سيادة جناب خفير الدرك
سيادتك ورق
مجرد ورق
مجرد ختم نسر على طلب اجازة
مجرد امضا خايبة
على ورقة دايبة
في محضر تصالح على نصبة كباب
مجرد ورقة حمرا
عشان تتلزق
تتف في قفاها شوية لعاب
سعادتك تزعق
او حتى تشخط
وتؤمر وتنهي
وتضرب وتشتم
وتلهف وتشفط
و ساعة ما تولع نيران الحقيقة
تفلق وتهرب
و تدخل في جحرك
و تقلع هدومك وتعمل نفيسة
و تقول اصل ايدي
قصيرة وغليلة
وانت سعادتك مجرد ورق
مجرد امضا خايبة
على ورقة دايبة
في محضر وطن
خلاص اتسرق
ليست هناك تعليقات:
إرسال تعليق