اوعى تتفائل
احسن هقولك كلمة قبيحة
وساعتها مني هتتكسف
اسمك واسمي شخبطة بقلم رصاص
على حيطة تحت كوبري غمرة
فاوعى تفتكر انك في يوم
راح تكون
مختلف
امي وامك حملوا فينا في تسعة
ورضعونا لبن صناعي من المغشوش
واكلونا فول بيسموه مدشوش
انا وانت يا صاحبي عودين قصب
حلموا في يوم يجيبوا سكر
بس الحلم للاسف
طلع فشوش
نفس الوشوش
نفس القلم نفس الورق
نفس الاجابة في الامتحان
بس المراقب خوان جبان
سابنا نجاوب وبعدين قال خلاص
الاجابة نموذجية
بس الاجابة طلعت للاسف
الماظية
مالهاش وزن .. مالهاش قوام
اوعاك تصدق لو قالولك كله تمام
لا مش تمام
انا وانت يا صاحبي ضايعين في بلد النيام
بلد للاسف كان اسمها بلد السلام
وسواء كنت بره او كنت جوه
فا انا وانت نفس الشخبطة
بنفس القلم
ومع الاسف مع الالم
محدش فينا مختلف
وان قولت انا متفائل
هكتب الف .. وحاء .. والف
احسن هقولك كلمة قبيحة
وساعتها مني هتتكسف
اسمك واسمي شخبطة بقلم رصاص
على حيطة تحت كوبري غمرة
فاوعى تفتكر انك في يوم
راح تكون
مختلف
امي وامك حملوا فينا في تسعة
ورضعونا لبن صناعي من المغشوش
واكلونا فول بيسموه مدشوش
انا وانت يا صاحبي عودين قصب
حلموا في يوم يجيبوا سكر
بس الحلم للاسف
طلع فشوش
نفس الوشوش
نفس القلم نفس الورق
نفس الاجابة في الامتحان
بس المراقب خوان جبان
سابنا نجاوب وبعدين قال خلاص
الاجابة نموذجية
بس الاجابة طلعت للاسف
الماظية
مالهاش وزن .. مالهاش قوام
اوعاك تصدق لو قالولك كله تمام
لا مش تمام
انا وانت يا صاحبي ضايعين في بلد النيام
بلد للاسف كان اسمها بلد السلام
وسواء كنت بره او كنت جوه
فا انا وانت نفس الشخبطة
بنفس القلم
ومع الاسف مع الالم
محدش فينا مختلف
وان قولت انا متفائل
هكتب الف .. وحاء .. والف