مواويل لبلدي

الاولا بلدي
جه الربيع بعد الشتا الطويل
تلاتين سنة ما نعرفش لغير العويل
تلاتين سنة مغسلينك
ومكفنينك
وزرعنا فوق قبرك المنتظر
خوص النخيل
التانية بلدي
فارد قلوعي في الربيع
فرحان سعيد

اصلي انتظرته سنين طوال
برغم انه كان بعيد
وزرعتله الف وردة
ورويتها من دم الشهيد
التالتة بلدي
خريف طول والبخت مال
لا لالقي لقمة
ولا لاقي سقف يلمني
انا والعيال
ولا لاقي ايد تشدني
من قلب حلم كان محال
وصبح محال
في ليالي الخريف الطوال
واصبح يا بلدي الاختيار
يا اعيش خريف ما بينتهيش
واستنى ربيع ما بيجيش
يا بلاش اعيش

قانون حماية الثورة !!!!!!؟؟؟

تعاد المحاكمات حسب قانون حماية الثورة

الي هو ايه بقه .. اقولك انا

مادة 1 : استثناء من حكم المادة 197 من قانون الإجراءات الجنائية تعاد التحقيقات في جرائم قتل وشروع في قتل وإصابة المتظاهرين، وكذا جرائم الاعتداء باستعمال القوة، والعنف والتهديد، والترويع، على الحرية الشخصية للمواطن، وغيرها من الحريات والحقوق التي كفلها الدستور والقانون، والمعاقب عليها بمقتضى أحكام القسم الأول والقسم الثاني من قانون العقوبات، والمرتكبة بواسطة كل من تولى منصبا سياسيا، أو تنفيذيا في ظل النظام السابق، على أن تشمل التحقيقات الفاعلين الأصليين والمساهمين بكل الصور في تلك الجرائم، وكل ما تكشف عنه التحقيقات من جرائم أخرى مرتبطة.

وتعتبر الجرائم المرتكبة في حق الشهداء، وثوار ثورة 25 يناير المجيدة داخلة في نطاق الجرائم المنصوص عليها بالفقرة السابقة.

( حلوة المادة دي صح )

مادة 2 : تعاد المحاكمات في الجرائم المنصوص عليها بالمادة السابقة حال ظهور أدلة جديدة أو ظروف جديدة متصلة بوقائع سبق إحالتها إلى القضاء ويتم إحالتها إلى الدوائر الخاصة التي يصدر بتشكيلها قرار من وزير العدل بعد أخذ رأي مجلس القضاء الأعلى، فإذا كانت تلك الوقائع قد قضي فيها بالبراءة بحكم بات تتم إعادة المحاكمة وفقا للأدلة أو الظروف الجديدة.

( يعني لو مافيش ادلة جديدة - وده مؤكد تقريبا - ابقى اتزحلق مع النسمة وماتقرفناش انت واهلك)

مادة 3 : تنشأ نيابة خاصة لحماية الثورة تشمل دائرة اختصاصاتها جميع أنحاء الجمهورية تشمل عددا كافيا من أعضاء النيابة والقضاة ويكون ندبهم لمدة عام قابلة للتجديد بقرار من النائب العام، ويكون لهم سلطات قاضي التحقيقات وغرفة المشورة المنصوص عليها في قانون الإجراءات الجنائية.

(ها يا سيدي وبعدين)

مادة 4 : تختص نيابة حماية الثورة أو من يندبه النائب العام أو أعضاء النيابة العامة بالتحقيقات في الجرائم المنصوص عليها في المادة الأول من القانون وكذلك الجرائم التالية:

الباب السابع (مقاومة الحكام وعدم الامتثال لأوامرهم والتعدي عليهم بالسب وغيره) والثاني عشر ( إتلاف المباني والآثار وغيرها من الأشياء العمومية ) والثالث عشر (تعطيل المواصلات ) والرابع عشر (الجرائم التي تقع بواسطة الصحف) من الكتاب الثاني، والخامس عشر (مش عارفها الصراحة)  والسادس عشر (قانون البلطجة والترويع) من الكتاب الثالث من قانون الإجراءات الجنائية، وقتل وإصابة عدد من الثوار أو الاعتداء عليهم، وإخفاء معلومات أو أدلة من شأنها تمكين الجهات المختصة من القصاص العادل لشهداء ومصابي الثورة، والامتناع عمدا عن تقديم الأدلة اللازمة لتمكين المحاكم من تحقيق العدالة الناجزة واللازمة في قضايا الفساد السياسي والمالي

(يعني لو سمعت حد اضرب او تظاهر هيبقى زيه زي البلطجي في السجن )

مادة 5 : يجوز حبس المتهمين بارتكاب الجرائم المنصوص عليها بقرار من النائب العام أو من يمثله بعد أخذ رأيه في مدد لا تتجاوز في مجموعها 6 أشهر.

و يعرض هذا القانون على مجلس الشعب الجديد فور انعقاده لاتخاذ اللازم بشأنه.

(حللني بقه تكون ماتت ناس وصحيت ناس)

مادة 6: ينشر هذا القرار في الجريدة الرسمية، ويتم العمل به فور صدوره.

السؤال هنا ..

ما هي علاقة هذا القانون بحماية الثورة غير مادة 1 ؟؟؟؟؟؟

هو في حد من رموز النظام السابق او المتهمين ارتكب اي فعل من المنصوص عليهم في مادة 4 ؟؟؟؟

هو يعني ايه الجرائم التي تقع بواسطة الصحف ؟؟؟

اعتقد ان القانون ده المفروض كان يبقى اسمه قانون تحميم الثورة

ملحوظة : الي هيرد يقرا كويس عشان مش عايزين شلل وتبريرات مالهاش لازمة

تخاريف بهاء ..!!

تخاريف بهاء ..!!

تعالى نقف قدام شباك التذاكر .. هنقف ساعتين كده .. وماله .. هنوصل للشباك في الاخر يعني والوقفة تستحق والله .. مش هتلاقي تذكرتين غير في اخر مكان في المكان – تيجي ازاي دي – وماله .. كل ده عادي يعني انت مش متعود عالطوابير برضه .. مفيش مصري يا ابني لم يتعامل مع الطوابير والا تسحب منه الجنسية فورا ..

انت مش رايح تحضر اي عرض ولا رايح اي مكان عادي كده .. دي ولا فقرة الساحر ولا فقرة الدب الي راكب العجلة .. دي فقرات خاصة جدا جدا ..

هتقف قدام البوابة ساعة .. عينك مركزة على يافطة نيون بتنور وتطفي ومكتوب عليها بخط لعبي كده مش ماسك نفسه

" مرحبا بكم في اللا لا لاند "

اول ما تدخل هذا المكان البديع .. الحياة هتختلف تماما .. هتلاقي كمية كبيرة ومتنوعة من الطراطير والزمامير والشخاليل .. هتلاقي يفط منورة بتقولك ادخل يمين ... وراها يفط بتقولك ادخل شمال .. لحد ما في الاخر هتلاقي يافطة عليها واحد مطلعلك لسانه بيقولك (ضحكت عليكي يا ابلتي )

هو في حد يصدق يافطة جوه اللا لا لاند يا صاحبي !! انت عبيط في ودانك برضه ..

هذا المكان عزيزي الزائر هي نتاج لواحد وتلاتين سنة من الافكار الخزعبيلة والهري المتواصل والطرق اللولبية في التعامل مع خلق ربنا داخل رأس الحاج احمد بهاء .. الدماغ الي عايشة في اللا لا لاند

ما تستغربش .. انت لوحدك هتفهم كل حاجة بعدين ..

تعالى نبص على عرض السرعة ده .. العرض ده عزيزي حصري فقط عندنا وتتشرف بيه ادارة اللا لا لاند ..العرض ده بقاله اتناشر سنة وشوية شهور عندنا كده .. هتقولي ازاي في عرض لشخص واحد بيقول بابا وماما وجدو وصاحبي واخويا واختي وبنتي ويفصل ويهنج ويشتغل تاني في دقيقة واحدة بس .. هقولك يعني هو في حد يصدق ان بني ادم عادي من كوكبنا الاخضر بياكل ويشرب ويلبس وينام ويصحى وياكل ويشرب ويكلم ثلاثة اصحابه في التليفون وينزل ويشتري سجاير ويقعد يتكلم معاك في ست مواضيع مختلفة ويروح يخلص خمس مشاوير ويرجعلك تاني وكل ده في ساعة زمن بس !!

هيحصل فين الكلام ده غير مع الكابتن بهاء جوه اللا لا لاند الي في دماغه دي ..

طيب الاغرب بقه ان ده بيحصل لمجرد ان مفيش حد يزعل منه .. ولا حد يبقى محتاجه في اي حاجة ولو كانت هابلة .. تخيل .. او والله ده بيحصل في اللا لا لاند بتاعت كابتن بهاء بس !!

هتقولي دي عادي في كتير كده .. ماشي .. سيبك من عرض السرعة يا عم الاور .. تعالى اتفرج معايا على عرض الساحر والمحفظة الصديقة .. مستغرب .. هقولك انا .. قرب هنا بس عشان الدخول محدود بالعدد حسب مزاج الكابتن صاحب اللا لا لاند .. انت بس قرب وقول للكابتن انك فلست بس او محتاج اي مساعدة مادية او عينية .. هتلاقي الساحر طلعلك من المحفظة ذهب وياقوت ومرجان واكل وشرب وشاي وحاجة ساقعة وسجاير كمان – دا لو ليك فيها – وكل ده انك لمجرد بس قولت يا عم الساحر انك على وشك الافلاس ومحتاج مساعدتك .. هو في كده يا جدعان .. والله لو هتاخد حتى اخر مليم في جيبه .. والله بيديهولك بنفس راضية .. ده بسكويت يا جدعان

هتقولي برضه عادي في ناس كتير كده .. هلم لساني – الزفر مؤخرا – عنك وهقولك تعالى ندخل العرض ده..ده عرض اخوك الصغنن حلاوة .. وهو عبارة عن لعبة صغننة كده تقرب منها وتقولها انا محتاجك في خدمة يا حلاوة .. هتلاقي اللعبة بقى عندا ست ايدين وتسع ودان وخمستاشر رجل وكلهم بيتحركوا في نفس الوقت بدون اي تفكير عشان يساعدوك في خدمتك ايا كانت صعوبتها .. حتى لو هنجت اللعبة منك سبع تمن مرات واضطريت تعيد الطلب تاني .. هترجع تاني تعمل كل ده لحد ما تطمن ان مصلحتك قضيت وخدمتك انجزت ..

الجميل بقه ان اللعبة دي سايلنت .. ايوه يا اخويا محدش هيعرف انت قولتلها ايه وعملت معاها ايه وهي عملت معاك ايه .. حتى لو البعيد شردة ولسانك اتزحلق منك واتظفلط بكلمتين هنا وهنا وقعدت تسيح وتقول عمل معايا وسوى معايا .. برضه هو مش هيفتح بقه .. ولا هيأمم على كلامك ولا هيعترض ..سايلنت يا ابني .. سايلنننننننننننننت ..

هتقولي وايه يعني انا اعرف بتاع تلاتة اربعة بيعملوا كده .. هقولك يا راجل اجري بقه ما تقرفناش..وبعد ما اتحول عليك واهدى هقولك عارف في ايه هنا بقه في اقسام اللا لا لاند العادية .. اه عادية بالنسبة للكابتن بهاء .. تخيل لو لقيت المتعة والضحك والرجولة والهزار وشبيك لبيك والجليتور الي بين ايديك .. والكابتن بهاء صاحب ومبتكر اللا لا لاند دي مهموم ومديون وتعبان وظروفه مقندلة وحالته النفسية في الارض .. وعنده بيت وعيال ودنيا .. وفوق دماغه جبل لو شاله اربع رجالة هيقعوا .. ورغم كده يا اخي لا مكتئب ولا قرفان ولا زعلان .. بيضحك ويهزر .. ويزينب –دي من فعل الزينبة وده اوبشن هايل في اللا لا لاند ما يعرفش فايدته كتير – ويشجع ويساعد .. ويشتغل .. ويقف جنبك .. ويبقى اكتر من اخوك الي خلفوه امك وابوك..ويشاركك فرحك وهمك وحزنك .. ويقف جنبك في الواجب حلو او وحش .. ويبقى صاحب واخ وام وخال وعم ويشيل الهم .. ويعمل معاك حاجات عمرك ما تتخيل ان اخوك الي من لحمك ودمك ممكن يعملها !!

تخيل بقه كمان لو بيستحمل رزالتك .. وقلة ذوقك في بعض الاحيان .. وزعيقك وعلو صوتك من غير سبب ويقابل كل ده بإبتسامة طفولية جميلة .. تخيل لما تلاقيه بيجري ورا احلام حياته بمنتهى الاصرار عشر سنين رغم كل المعوقات الي لو وقفت في طريق اي حد هتحوله فورا الى كلب اعور حزين .. تخيل لا بيقصر ولا بيتأخر !!

سكت ليه يا نجم .. مش مصدق القدرة الغريبة على قلب الهم لضحك و هزار وزينبة ولا الصبر ولا شيال الحمول ولا ...  العشر سنين ؟؟!!

طيب كمان جوه اللا لا لاند هتلاقي شوية حاجات كده .. اه يعني ماهو لازم يبقى في اراء غريبة شوية ..بس برضه كلها وجهات نظر .. حتى يا سيدي لو متناقضة شوية بالنسبة ليك .. بس كل واحد دماغه مريحاه..ما تجربش تقنعه عشان هو غبي شوية في موضوع الاقناع ده .. ما تجربش تخش جواه وتعرف حاجة عشان لو مش عايز يقولك مش هيقولك .. اه .. ما تجربش ترغي معاه في فلوس .. هتلاقي نفسك طلعت بره الى ارض الواقع المؤلم .. ومنع عنك دخول اللا لا لاند الى الابد .. الى الابد ..

ساكت ليه ..؟؟ عرفت انا ليه مسميها اللا لا لاند .. لان الواقع دلوقتي زفت .. الواقع الي حول اغلب الناس لمنتفعين ومصلحجية .. والي ما تحتجش وشه بكرة تحتاج قفاه .. الواقع ده مش موجود هنا .. احنا مبسوطين بوجودنا جوه اللا لا لاند بتاعت اخونا بهاء ..

وبما ان ده عمره ما بيحصل يا صديقي مؤخرا .. وبما انه خلاص بقه نوع من انواع التخاريف ..

عشان كده الحاجات دي كلها على بعضها اسمها ..

تخاريف بهاء !!

اهداء خاص جدا

الى احمد بهاء .. والله العظيم انا فخور اني اعرفك واني في يوم من الايام بقيت صاحبك .. ومسيري هعرف اردلك ولو جزء صغير من الي عملته معايا – ولو انه كتير اوي يا صاحبي –

وكفاية بقه عشان كده هعيط

تنويه بسيط .. وقبيح

طيب برضه انا اسف ومحدش يزعل من فلتان لساني - المعتاد مؤخرا -
اي واحد بيعقد مقارنة ما بين ما كان يحدث ايام المخلوع المحروق في جهنم بإذن الله حسني مبارك وبين ما يحدث في ايام مرسي اقوله حمرا .. حمرا عشان في ثلاثين سنة مصر اتجرفت من كل حاجة .. اتجرفت من الخبراء والعلماء والناس اللي بيحبوها وبيحبولها الخير .. استبدلنا الافواه المحترمة والي بتقول كلمة الحق بشوية المطبلاتية السفهاء ولاد الكلب الي عملناهم زعماء وهما احقر من احقر برغوت بيتنطط على رقبتك .. دمرنا كل حاجة حلوة كانت موجودة في البلد دي حتى احساس الناس بكوارثهم وهمهم .. استبدلنا الدين الصحيح القويم بتدين ظاهري سافر يا بعلمانية كاملة سافرة .. اقوله حمرا لان بلدك لا تمتلك عقلية الحفاظ على الكفاءات ولا عقلية النهوض بالبلد دي يوم واحد .. انت تعيش يا عزيز المواطن المخرق في بلد وقود محركها الزيت والسكر .. انت تعيش في بلد لم يكن يحكمها انضباط الامن ولكنه كان كان انضباط الخوف من القمع والذل والسحل .. احنا اتحولنا الى شوية منبطحين بنرضى بأقل القليل وبنخاف على مؤخراتنا الي كبرناها في قعدة القهاوي والكاف

يهات من زوال النعمة وقعدنا نتحسر على الغرب الفاجر الفاسق الي بقه متطور ونظيف ومحترم .. تنازلنا عن ادميتنا في مقابل ان عيالنا تعيش وفي الاخر عيالنا مش عارفة تعيش .. لو كان مرسي اقال وزير ووجه تعازي ولم يحاسب المسئولين الحقيقين حتى الان ودي مشكلته ولازم يحلها يا هيحصل الي قبله .. فإن العاهر السافل ابن الكلب احتفل في مدرجات استاد القاهرة بغرق 1500 مواطن مصري وتحولهم الى طعام للاسماك .. احتفل بإحتراق مئتين شاب وفتاة في حريق مسرح بني سويف .. ولما حفيده العزيز مات قلب البلد محزنة وانشأ تسع مؤسسات خيرية من مال ابنه البكري الي سرقه من الشعب بالسمسرة والعمولات .. اذا كنت شايف ان الحال ما اتغيرش لا الحال اتغير .. انا وانت فهمنا وبدأنا نتكلم وبدأنا نفكر .. حطينا رجلينا على اول طريق الوقفة من الانبطاح و شغل النعام .. ومفيش كائنا من كان مش هيتحاسب حتى ولو رئيس الجمهورية .. حتى لو راح فيها زي وزيك كتير .. بس لما نروح احنا على الاقل ممكن عيالنا ما يروحوش فطيس بكام جنيه وكلمتين نعي في الاهرام
الرئيس الي انتخبه الشعب محمد مرسي .. اما التطهير والنظافة والنهضة الي بجد مش نهضة المرشد و رئيس الحكومة الخانع العاجز عديم الدم .. يا اما الرحيل الى مزبلة التاريخ بجوار سلفك القذر ..

اللهم بلغت .. اللهم فاشهد

عن حكومة العجزة اتحدث ..

انا اسف له بس مش قادر

لما تبقى حكومة الاوساخ الي اقل كلب فيها بياخد مبلغ وقدره عشان يقوم بدوره الي اقسم عليه قدام ربنا .. وانا ارعى مصالح الشعب يا سيادة رئيس الكلاب الوزراء .. يعني واجبكم رعاية الشعب ومصالح الشعب من اصغر واحد لأكبر واحد .. يعني لما تحصل كارثة زي دي يا كفرة المفروض تدفنوا بالحياة لو احنا في بلد محترمة لكن لما تبقوا ولاد كلب جبلات وبتهزوا مقعداتكم المترهلة عشان استقالة وزير مايسواش وتعويض 5 الاف جنيه !! 5 الاف جنيه يا كفرة يالي ما تسواش شعرة من عيل من الي ماتوا جثثكم الخربة و ضمايركم الميتة القذرة .. يبقى سعر كيلو اللحمة ب 80 جنيه وسعر كيلو البني ادم 100 جنيه .. انتوا لازم تتعدموا في ميدان عام الاول وبعد كده نبقى نشوف نحاكمكم ازاي .. سيادة الرئيس محمد مرسي .. الفسدة كلهم لازم يمشوا .. انت اقسمت وفتحت صدرك وقولت انا رئيس كل المصريين .. يا تبقى رئيس كل المصريين وتحافظ على كل المصريين يا تستقيل انت كمان وتسيب غيرك يعرف يحميهم